Para Keka

Nung kagising ku bukas at ene malambut ing aking ulunan, eku siguro minapun keng kekatang madalas a piiikitan ke lalam da reng teterak a tala ketang masukal a eskinita ning Aragon. Lele nitang pisasalwan a pandesal a ating bulung ning malunggay. Mapali pa ustung alas-kwatro na ning gatpanapun pong nuebe minutos namu bayu la magsara reng nangnangan dareng bitis manuk pong bituka na ning nung nanu ya man. Wa, matuling ku buwak pong pepaahit kung balbas kang Danielle napun.

Mekaratang na ka keng Langit? Malapit kereng pisasalwan bulaklak ustung aldo dareng mete pong aldo dareng sisinta. Atin kung tau dati a makatuknang malapit keta. Kamal dana ning lelut kakayu pong eku mahilig keng sabo pong mayumu. Atin bumbilya, atin butones a kahel. Maluwalas a malan panglub. Malulam ustung atyu keng dalan at magaspang ustung lalandi la re ang maglutung tibok-tibok.Alalang latik. Akalingwan kung mannyupilyu nandin pero semasnan ke itang pasbul a sinira ku uli mong akalingwan ke itang susi kekilub. Atin kasing dagis ketang lababo mi. Itang pamukpuk atyu ketnag cabinet a balbal ing salamin. Alang karibal at maswerti keng sugal anya maluwat kung mamiling malan a isulud ustung Martes. Metung,adwa,lima, ala, siyam, limampu’t pito. Ika? Pilan la reng nunal mu keng batal? Ing kaku metung yamuperu ali ku maglalaram ketang siping ming baleng piloto. Mayabang kang abogado. Sagli mung malow-bat itang laptop ning kayang ating. Kinawe keng dutung a maimpis papel. Meparalis yang salubsob keng mata. Megsampe. Atin dagat a tulid ning awang mi. Sabong. Ketang kusina atin taklang lupisak. Kikindat ya ketang gilid ning gulut. Mimwa ya itang magtindang medyas. Makintab. Sepitu keng talampakan. Kamal na na ning abyas. Mesalu ya ke lupa. Maragul ing balugbug.

Ing marok a melyari kinalat ya itang balita keng parking lot ning SM Carriedo. December 28 aldo na nitang ka-banda ku. Misunud kami. Asna santing tang luma kung paninap. Bayu ya kasi. Babahung pabanglu ing pangatali dareng bisikleta ketang lalam ning building mi. Mangalawang ya itang sipit agya gawa ya keng plastik. Sipit. Alang sabun keng kubeta pero ating mahiwagang ala-ala. Putaneyda, babi ya ing kasiping ku opisina.

HIT ME

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s